waxaa dhawaanahan  danbe si aad ah u imanayay wadankan sudan  dad soomaaliyeed oo tahriib ah  oo ku siijeeda wadanka liibiya si ay halkaas uga sii baxaan wadamada yurub ama ay ugahelaan shaqooyin wax tar uleh oo ay ku qancaan ,taasi oo keentay in dad farabadan oo soomaali ah dhibaati kasoo gaartay tahribkaani iyada oo qarkoodna dhinteen qaar kalena ay yaalaan xabsiyada wadankaan sudan, kadib heshiis dhex maray labada wadan ee liibiya iyo sudan,.

Heshiiskaas oo keenaya in sudan eey xuduudeeda kaxirto  dadka sida sharci darada ah ugu soo qulqulaya wadankaas (liibiya) iyada oo liibiya dhankeedana eey taageertay ciidamad suudaan oo ilaaliya xuduudaha  labada  wadan iyada oo la sheegay in eey siisay qalab iskuugu jira  baabuur iyo kaalma kale oo ciidan. Taasina eey sababtay in soomaali farabadan lagu soo qabqabto saxaraha iyaga oo u sii tahriibaya wadanka liibiya oo iskuugu jira rag iyo dumar  laguna xakumay xabsiyo  ilaa sedax bil ah kadibna lagu soo daaya damiin oo aay damiinten madaxda jaaliyada soomaaliyed ee suudaan oo mar dhaw boorka laga jafay  sida uu ii sheegay gudoomiyaha jaaliyada somaliyee ee sudan c/qaadir xaashi jimcaale, iyada oo lagu amray in waqti xadidan dadkaasi si sharci ah ay uga baxaan wadanka sudan halka eeyqaarkalena wali eey ku jiraan jeelasha wadankaan sudan, waxa uuna ii sheegay guudoomiye xaashi in ay  dadaal ugu jiraan sidii ay usii daylahaayeen qaar ka kale oo  kuharay xabsiyada wadankan sudan maalmaha fooda inagu so haya.

 waxa kale jirtay in kooxdii ugu dambeysay tahriibka somalida oo baxday bartamaha bishii 1aad (January) oo iyagu  tageen xuduuda sudan eey la leedahay wadanka liibiya magaalda layiraahdoTIINA halkaas oo ay suudaaniyiin muqalasiin ah oo  ka shaqaysta arimaha tahriibka ay ka qaadayeen dad farabadn oo  iskuugu jira somali sudan iyo iyo ithobiya oo gabigood ku sii jeeda liibiya ayna usoo kireyeen labagaari oo xamuul ah iyo gaari yar oo siibla ah ,  laakiin nasiib daro waxa dhacday in dhibaata ba' an ay soo gaarto qaar katirsan dadkii tahriiibaay oo iskuugu jiray somali iyo sudan sida uu ii sheegay wiil layiraahdo maxamed axmed cumar(maxmed dheere)oo kamid ahaa dadkii tahriibka ahaa oo baabuurtaas raacay oo gaarigiisii uu dhex kujabay ayna ku dhinteen dad farabadan oo 4 kamid ahi eey yihiin soomaali.

Mar aan wax kaweeydiiyay sida uu shilku udhacay waxa uu iigu jawaabay "waxa aan ahayn ilaa sedax baabuur oo kala ah mid kuwa yar yarka ah  oo nooca siiblaha loo yaqaano ah iyo laba gaari oo xamuul ah oo midkiiba saaraayeen dad kabadan laba boqol(200)oo qof.."

Mar aan wax kaweeydiiyay soomaalida tiradooda waxa uu ii sheegay in eey ahaayeen 32ruux oo  6 kamid ah haween tahay waxa uuna ii sheegay in 4 kamid ah haweenkii iyo laba wiil ay raaceen gaarigii yaraa halka 14 kalena  eey saaraayeen gaari xamuul ah waana labada gaari oo badbaadeen, .halka gaariga kale oo aan saaraay oo jabay ay saaraayeen 12 ruux ayuu yiri waa soomaalide.

 

Mar aan waydiiyay sida ay dadku ku dhinteen waxa uu ii sheegay in gaarigu uu kajabay 6/2/2002 waxa eeyna dulfadhiyeen ila 6 maalmood  kadib ayaan bilaawnay in aan socono ayuu yiri kadib markii ay inoo soo  noqon wayeen gawaaridi kale oo aan kasugaynay spare parts kii aan ubaahnay ; waxa aana ka fogayn ayuu yiri xuduuda liibiya magaalada layiraahdo KUFRAH ilaa 500klm,  taasina waxa aay keentay in dadkii ay dhex kuwada dhacaan ilaa aan helnay ayuu yiri geeleey suuudaaniyiin  ah oo iyagu inoo gurmadeen markii ay arkeen in dhibaato inahayso oo aan xitaa kala dhunay oo qayb waliba  xitaa ay soo aruuriyeen dadkii ku lumay soonahaas   ilaa waxii dhintay ma ahane; ayna  inagu soo qaadeen ilaa 76awr waa inteene noolayd ayuu yiri  waxa ayna ina haayeen ilaa 5 maalmood kabacdina ay dawlada gaarsiiyeen oo ay inoo soo dirtay helikobtar sida dawo iyo raashin iyo biyo, kadibna waxa inala keenay magala kale o kutaal xaduuda oo inagula daaweeynayay nagulana quudinayay ayuu yiri maadaama uu xitaa safarku ina dhibayay oo aanan kabixi karin gaariga ayuuyiri.nafaqa daro daradeed.

 

Mar aan wax kawaydiiyay tirada halkaasi ku dhimatay wax uu igu yiraahday waxaa halkaas ku dhintay inkabadan 30 ruux oo  suudaan ubadan oo ay 4 kamid ahina ay ahaayeen soomaali oo aan wada soconay waxa ayna kala yihiin

1-ciise cali xaayoow

2-c/raxmaan max'ud diiriye

3-c/naasir gaambax faarax

4-max'ed sh. cali

Dadkaas dhamaantoood oo aan rafiiq ahayn way wada dhinteen ayuu yire  waxa ayna u dhinteen haraad iyo gaajo, inteenii kalene waxa lakeenay cisbitaalo ku yaal gobolka waqooyiga daarfoor caasimadiisa  faashir oo ay dawladu aad inoogi dadaashay ayuu yiri maxaa yeelay waxaa inaga dhamaaday nafaqadii oo cagabararkii ayaa nahayay  ayuu yiraahday maanta oo ah 15/3/2002 ayaan nimaaaday khartoum iyada oo mudo ay dawladu ina daawaynaysay wax inagula xakumayna majirto oo ganaax ah ayuu yiraahday. oo waa laiska keen fasaxay.

 

waxa kale oo jirta in laba nin oo soomali ah oo iyana laguxiray kadib shilkaas iyaga oo joogaa xudaad labada dal ayna ciidamada bolisku qabteen dibna ugu soo ciliyeen khartoum sida uu ii sheegay mid kamid ah labadaas wiil  oo magaciisa layiraahdo maxamed ciise axmed oo ii sheegay in uu shilkaan uga war heliyay xuduuda labada dal waxa kale oo aan maqlay ayuu yiraahday oo eey ii sheegeen dadkii halkas aan kula kulmay in uu geeriyooday nin layiraahdo xaashi garabeey oo isana kategay khartoum bishi hore laakin wax cadayn ah ma laga hayo arintaas ragii  gaarigii shilka saaraana war kamahyno ayeey yiraahdeen.

 

sida uu ii shegay maxamed xuseen sabare oo ah oday katirsan jaaliyada Soomaalida ee  sudan kuna leh khartoum baarka ugu wayn oo somalidu iskuugu timaado in eey bilaabeen wacyi gelin loo sameynayo dadka tahriibka ah oo ay ka qeybqaadanayaan ardada somaliyeed ee wax kubarat  sudan si wax loo fahansiiyo dadka tahriibka ah oo nafsadooda qatar gelinaya.

 

 waxaa xusid mudan in dhalinyaro badan oo wax u bilaabnaayeen lagu qanciyay in eey wax bartaan oo qaarkood hada jaamacado dhigtaan.

 

 ugu danbeynti waxa uu kacodsaday GUD.jaaliyad sudan mudane c/qaadir xashi jimcaale dadka tahriibka ah in eey raadsadaan wadooyin kadhibyar oo sharci ah oo lagu bixi karo ayu yiri oo kajira wadanka sudan sida in eey qaataan buu yiri visaha wadanka Chad kaas oo sahlan ayna ugu gudbi karaan wadanka liibiya. waxa uuna sheegay in eey ku taageerayaan dhankaas.

 

maxamed amiin sh.cismaan

khartoum sudan  
Emailamiin2002@hotmail.com

tel;012279919