NIN SOOMALI-SWEDEN AH OO LAGU XIREY ISRAEL OO LAGA
SOO MUSAAFURIYEY.
33 jir soomaali-sweden ah oo ay qabteen ciidamadda
sirdoonka Israel isagoo doonaya inuu ka baxo wadanka
kuna sii socday Jordan horaanta bishan maarso ayaa laga
soo saaray Israel.
Ninkaan waxaa uun lagu qabtey baaritaan joogto ah oo
ay sameynayeen ciidamada Israel oo ay kula kulmeen
dabadeedna waxay uga shakiyeen inuu xiriir la leeyahay
waxa ay ugu yeeraan argagixisada, ma ahayn nin la
baadi goobayay oo la baafiyey ,loogamana shakin wax
dambi ah. Mar ciidamadu wareysanayeen ayuu muujiyey
ama laga dareemay inuu rabitaan aan xad laheyn u hayo
ururka argagixisada ah ee Al-qaacida waa sida ay
Israel hadalka u dhigtaye.
Maamulka Israel ayaa hadaba u arka ninkaan
soomaali-swedenka ah inuu khatar ku yahay amaankooda
waxayna go'aansadeen inay Israel ka saaraan dibdanbana
uusan ugu soo noqon ama si abadiye ugu soo laaban
karin dhulka ay Isael ka taliso. Hay'ada sirdoonka ee
wadankan Sweden oo marka magaceeda la soo gaabiyo loo
yaqaan Såpo ayaa waxay cadeysay in ninkaan uusan wax
dambi ka laheyn agtooda waa sida lagu soo daabacay
jariidada Metro cadadeedii 23 maarso, 2002.
Hadaba dadka siyaasada Israel indha indheeya ayaa
rumaysan in dambiga kaliya oo uu ka galay Israel uu
yahay kaliya in magaciisa uu yahay magac muslim uuna
asalkiisu ka soo jeedo wadan muslim ah oo, uusan wax
aadmahu dambiga u yaqaan uusan gelin oo ay Israel
doonayso inay u dulaysato sida ay hada gumaysiga
ugu heyso dadka rayidka ah ee reer
falistiin ee aan waxba galabsan.
C/xakiim Axmed Guled
Stockholm, Sweden
guledhakim@yahoo.com
March 23, 202
DOWLADDA SWEDEN OO RAALI AHAASHO
KA DALABTEY DOWLADA TURKIYA(SVT)
Maanta ayaa Anna Lindh oo ah wasiirka wasaarada
arimaha dibadda ee dowlada Sweden ka dalabtey raali
ahaasho dowlada Turkiya hadal loo turjumi karo inay
ugu yeertay wadanka kaligii taliye. Afhayeenka
wasaarada arimaha dibadda oo lagu magacaabo Berit
Jobeos ayaa sheegay in Anna ay khadka taleefoonka
kula xiriirtey dhigeeda Ismail Cem oo ayna ka raali
galisey habkii ay erayadeeda u xulatey wasiirada.
Shir qaramada midoobey qabatey usbuucaan ayay ku
tiri Anna Lindh ”waa in kaligood taliyayaashu
abuuraan xoriyad waasic ah, waxayna tusaale ahaan u
soo qaadatey iyadoo ku weerarayso wadamada
Ruushkacad, Shiinaha iyo Turkiya.
Afhayeenka wasaarada arimaha dibadda mudane Jobeus
waxuu yiri Turkiya ma ahayn in lagu tiriyo amaba
isku mar carabka lagu dhufto iyada iyo kooxdaan.
C/xakiim Axmed Guuleed
Stocholm, Sweden
DHAQANGUURKA Soomaalida Sweden