MR.DHIBLAAWE
dhiblaawe@spacemail.com

March 15, 2002

Saxaafadu waa aalad aad u awood badan oo dhankasto loo isticmaali karo,waxna waalagu burburinkaraa laguna dhisi karaa,qofka suxufiga ah waxaa israaqadiisa rabi ku daray waxqoris iyo tebin,si markaasi suxufigu aanu u noqon mid wararka uu tebiyo aan lagu kalsoonaan karin waa inuu noqdaa mid ka hufan ceeb oodhan oo aan dhana u janjeerin.

Lakin markaad eegtid suxufiyiinta somalida uma hogaansamaan qaanuun ka ah dhan u janjeerid la'aanta,waxaa igu maqaalo ah in weriyaha caanka ah ee Ahmed Hassan Cowke uu yiri "anagaa wadano"isagoo tebinayo ciyaarihii gobolada markaas oo ay ciyaarayeen gobolka w/galbeed iyo gobolkale waqtigaas oo ay somalia ka talinaysay dowladii kacaanku,marka haddii ay arintaasi dhabtahay maxaad kasugaysaa weriyayaasha somaliyeed waqtigan oo ay somalia kajirto dhibaatada lawada ogyahay?,waxaa xaqiiqo ah in weriye kasta uu u tebinayo warka sida uu isagu jecelyahay.

Aqristow hadii aad tahay qof dhegaysto BBC-da waad igu raaci lahayd ra'yiga korku xusan,hadii aan siifaahfaahiyo,sida aan kawarqabno waxaa dhawaan booqasho shaqo ku tegay weriye Ahmed H.Cowke ,maalmo kadibna waxaa magaalada hargaysa tegay weriyayaasha BBC-da laanteeda afsomaliga ee bariga africa oo dhamaantood somali ah sida mr.Cadow,mr.H.bariise,mr.Ahmed kismaanyo,mr.Catoosh ,mr.Cowke oo lasocday etc.weriyayaashaasi intii ay joogeen magaalooyinka Muqdisho iyo Hargayso waxay london u tebiyeen warar kookoban waana lawaraystay.hadaba aqristow hadii aad dhuuxdid wararkii ay ragaasi direen waxaa hubaal ah inaad waxwayn ka fahantay.

Aqristow marka wax la aqrinayo waxaa loo aqriyaa sedax hab.

1-Reading the lines
2-Reading between the lines and
3-Reading behind the lines.

sidaasi darteed hadii aad tahay qof hab aqriskiisu yahay habka sedaxaad waxaa suurtagal ah inaad igu raacdid ra'yi gaygan ku saabsan wixii aan kafahmay wararkii ay direen weriyayaasha laanta afsomaliga waana sidan.

COWKE IYO MUQDISHO

Ahmed Hassan Cowke oo ah weriye magac wayn ku leh somalia in mudo ahna kusoo jiray saxaafada somalia ayaa tegay magaalada muqdisho oo uu mudo kamaqnaa,wuxuu magaalada gaarwareego oo marba dhan u dhexqaadaba warbixin ayuu kasoo diray ,Aqristow hadii aad dhegaysatay warbixintii "XUUXAADA IYO XAMXAMTA" ahyd waxaad dareemaysaa inuu Cowke dhanka Negative ka uunka eegay magaalada muqdisho,xumaankasto oo lasheegi karay ayuu si habaysan u sheegay warbixinta oo dhana wuxuu ku koobay dhanka Amaanka magaalada,lakin dhinacyada kale ee Arimaha bulshada,dhaqaalaha,caafimadka ,fanka iyo ciyaaraha,iyo dhaqdhaqaaqyada kale ee kajiro magaada kama hadlin.

Elman FC Somalis in first win Elman FC from war-ravaged Somalia has recorded their first-ever win in the 28-year-old history of the East and Central African (Cecafa) clubs competition. They defeated home side Zanzibar's Forodha FC 1-0 at the Amaan stadium. BBC AFRICA PHOTO: BBC AFRICA Feb 21, 02

waa dhab in amaanku mudnaanta koowaad leeyahay lakin waxaa larabay warbixinta uu diro weriye ruugcadaa ah sida mr.Cowke inay miisaanaato oo dhankasto taaabato,Cowke iloobay inay muqdisho tahay meel wejiyo badan,sida inay muqdisho tahay meelaha somalia ugu muhiimsan xaga ganacsiga,inay muqdisho kajiraan kooxo sport oo weliba intii uu Cowke joogay muqdisho ay kooxda ELMAN oo ku ciyaaraysay magaca somalia kabadisay wadan african ah wadankalana barbar dhac lagashay taas oo xataa BBC-da qaybteeda ku baxdo englishka ay yiraahdeen "waa guul aanay somalia gaarin mudo 28 sano ah".

waxaa intaa sii dheer markii cowke lagu waraysta barnaamishka salaamaha ee lawaydiiyay wixii ugu yaabka ama ugu xiisaha badnaa oo uu ku arkay muqdisho intii uu joogay wuxuu ku jawaabay waxaa iigu yaab badnaa "markii aan gaadhigii aan raacayay aan xidhay suunta daxadirka oo laygu yiri (ha xidhan suunka waa intaas oo layna soo weeraraa oo furitaanku dhibato kugu noqdaaye)", markaa waxaad dareemaysaa in Cowke xataa waxyaalihii madadaalada ahaa uu la aaday xaga amaanka uun. waxase iswaydiinleh ! mr.Cowke markii magaalada muqdisho ku wadan jiray gaariga landcruiser ka ah oo uu weliba ahaa weriyaha qaaska ah ee duqa suunka taxadirka miyuu xidhan jiray? maxaase u diiday indhaha cowke inay arkaan wanaaga uu kasheegay magaalada muqdisho weriye Catoosh.

Dhanka kale Cowke wuxuu firitaankii BBC-da qaybteed FM ta ee hargaysa si kalsooni iyo farxad leh u yir "halkani waa hargaysa" waxaana intaa sii dheerayd in si qalad ah loo isticmaalay heestii gobanima doonka ee uu qaadi jiray alaha u naxariistee Abdullahi qarshe ee ahayd "Dadkaan dhawaqayaa ,dhulkooda doonayaa , haday u dhiidhiyeen alahayow u dhiib"

Waa socotaa... Lasoco qaybta Labaad iyo Xasan Bariise iyo Hargeysa.

WQ. MR.DHIBLAAWE
dhiblaawe@spacemail.com

March 15, 2002

. SAXAAFADII SOOMAALIYEED WAXAY NOQOTAY DANRAACATO!!!

. NIN BUKA BOQL U TALI

AFEEF: Aragtida qoraalkan waa mid u gaara qoraaga ku saxiixan, kana tarjumi maayo aragtida SomaliTalk

ARAGTIYIHII HORE:

• SEARCH: Aragtida Dadweynaha ee BBCda
• Ma weriye BBCbaa Mise Raadiyo Hargeysa [Caddaani]
• BBC iyo CODBIXINTA SOMALILAND [Xaamud Cali]
• What is in it for the BBC? [Press]
• Letter to Ms Blackburn of BBC By Gaashaan
• BBC: No Longer a Source of Reliable News!! By SHASNA Mediawatch
• BBC and Mogadishu Tabloids are again fabricating headlines!!!!! By SHASNA
• TNG and Mog. Businessmen with some News Groups Determined to Destabalising Stable Regions of Somalia BY BCCP
• AN OPEN LETTER to the BBC World Service and the BBC Somali Section Leadership By SHASNA