HORN OF AFRICA'S PROBLEM IS THE LEGACY OF THE ABYSINIAN EMPIRE STATE (ETHIOPIA). Letter from Abdullahi M. Sadi, Former First President of Somali Region (Ogadenia). Read here "One who studies Abysinian feudal Empire State (Ethiopia) history will be compelled to arrive at the coming conclusion: " by Abdullahi M. Sadi Promotion of respect for human rights and fundamental freedoms; Without this, the century old cycle of war and violent in Horn of Africa will unfortunately continue. It is time for men of good will to act. Read more.. 1894 Tripartite Accord was reached by Great Britain, Italy, and Ethiopia over Somali territories. Italian control was established over an area at the Indian Ocean, later known as Italian Somaliland. The Accord also recognised Menelik's claim to Ogaden. More..

Marka dalalka kale ee xubnaha ka ah ururka IGAD ay ka fikirayaan sidii ay isugu keeni lahaayeen xoogagga soomaaliyeed ee iska soo horjeeda iyo in la heshiisiiyo ayey Itoobiya sii hubaynaysaa tababaro askarina siinaysaa mucaaradka ka soo horjeeda Dawladda ku-meel gaadhka Soomaaliyeed taas oo dab ku sii daaraysa xaaladii hore u murugsanayd.

Ciidanka Itoobiya waxay bilaabeen inay dalka Soomaaliya gudihiisa garoomo diyaaradeed dayac tiraan si ay ugu sahlanaato taakulaynteeda ay taakulaynayso kuwa iyada raacsan. Waxaa kale oo ay meelo ka mid ah koonfurta Soomaali ka dhisaysaa xarumo is gaadhsiin si ay u dhega-dhegayso is gaadhsiinta hawada Soomaali.Sidoo kale ciidanka lugta ee Itoobiya waxay soo galeen magaalooyinka ay ka mid yihiin Garowe, Guriceel iyo Xudur. Dad badan oo ku noolaa magaalooyinka ayey xidhxidheen, jidhdil culusna way u gaysteen dadkaa ay xidhxidheen. Waxaa la sheegayaa in qaar dadkaa ka mid ah ay dhinteen. Gaar ahaan dadka ay sida goonida ah u xulanayso waa odoyaasha iyo madaxda beelaha kuwaas oo muujiyey inayna raali ka ahayn Soo gelidda ay Itoobiya soo gashay magaaladooda.

Talaabooyinkaa naf la haarka ah ee fulaynimo ee Itoobiya ka waddo Soomaaliya waxay kaga hortegaysaa heshiiska iyo midnimada ummadda Soomaali taas oo aan maslaxada ummadaha Geeska Afrika oo keliya ahayn ee ah maslaxada adduunka oo dhan inay nabadi ka aslaaxdo Soomaaliya.

Jabhadda Waddaniga Xoreynta Ogaadeenya (JWXO) waxay ugu baaqaysaa bulsha weynta caalamka gaar ahaan dalalka xubnaha ka ah ururka IGAD inay Itoobiya ku cadaadiyaan inay faraha kala baxdo Soomaaliya ciidankeedana kala soo baxdo. Faragelinta Itoobiya een kala go'a lahayn waxay sii murginaysaa degenaansho la'aantii ka jirtay Geeska Afrika waxayna sii siyaadin dhibaatada shacabka Soomaali een waxba galabsanin ee u baahan nabad waarta.

Jabhadda Waddaniga Xoreynta Ogaadeenya waxay aad u bogaadinaysaa dadaalka ay dawladda Jabuuti, Keenya iyo Eriteriya wadaan, kuwaas oo muujiyey daacadnimadooda sidii loogu heli lahaa dibu heshiisiin iyo Soomaaliyeed.

Jabhadda Waddaniga Xoreynta Ogaadeenya (JWXO) Xafiiska Warfaafinta
infobureau@onlf.org

FAAFIN: SOMALITALK | March 10, 2002

QOSOLKA DHURWAAGA RAGBAA RUN U MOODEY

AFEEF: Afkaarta qoraalkaan waxaa leh gaarna ay u tahay ONLF, kana tarjumimaayo aragtida SomaliTalk