2 Dayuuradaha basaaska oo jarmalku ay leeyihiin oo yimid mombasa si ay u
ilaaliyaan xeebaha soomaaliya
IQRA NEWS
Nairobi,march 16,2002
W.Q :Ridwan Haji Abdiwali
Labo dayuuradaha wax basaasa ah oo siday 160 askari oo jarmal ah ayaa kusugan
magaalada Mombasa ee dalka Kenya waxaana dayuuradahaasi ay ilaalinayaan wadanka
geeska afrika ee Soomaaliya iyadoo qayb ka ah dagaalka Maraykanku uu hogaaminayo
ee ladagaalanka Argagixisada.
Dayuuradahan oo yimid maalintii Talaadada ayna kurakiban yihiin qalabka
raadaalka iyo kaamerooyinka lagula socdo dhaqdhaqaaqa ayaa waxay kasoo
kicitameen Nordholz Airbase ee dalka Jarmalka sida uu sheegay Frank Hansman oo
ah afhayeenka milaari.
Dayuuradahan kusugan gobolka xeebta waxay waardiyaynayaan xeebaha badwaynta
hindiya iyo xeebaha dariska la ah Soomaaliya si dagaalyahanada Al Qacida ee
kasoo cararaya dalka Afqaanistaan ayna ugu soo dhuumaalaysanin dalka Soomaaliya
maadaama ayna Soomaaliya kajirin dawlad dhexe, [waa sida wararku sheegeene].
Wadankaas Soomaaliya oo muslim ah waxaa uu leeyahay xeebta uugu dheer ee afrika
iyadoo dalkuna ukala qaybsanyahay qaybo qaybo mararka qaarkoodina ay isku
dhacaan, sidaasi daraadeed ay dayuuradaha dagaalka ee Maraykanka iyo kuwa Reer
galbeedkuba ilaalo kahayaan xeebaha iyo hawada soomaaliya mudo bilooyin ah.
Dalka Jabuuti oo xad laleh dalka Soomaaliya waxaa horay utagay oo saldhig
kasamaystay ciidamadii jarmalka ee ugu badnaa tan iyo dagaalkii labaad ee
aduunka oo banaanka aada.
ridwanhaji@yahoo.com
FAAFIN: SomaliTalk | March 17, 2002
LATEST NEWS ..CHECK
|
1 |
2 |
3 |
4 |
5 | 6
Powered by
www.SomaliTalk.com All About Somalia and More...
|
>> Kor/up
>> Usheeg Asxaabtaada
|