WQ. Abdirashid Aaden Yusuf
Denver Co. USA

Febraayo 17, 2002

Ra'isal wasaaraha dawladda KMG ee Muqdisho, Md Xassan Abshir ayaa ku dhawaaqay golihiisii wasiirada oo gaaraya 35 wasiir, kaddib markii muddo dhawr bilood laga joogo kalsoonidii lagala noqday xukuumaddii Cali Khaliif Galayr.

wasiiradda la magcaabay ayaa Xasan abshir uu ku sheegay mar uu sharraxay tiro badnaantooda, mid ku salaysan heshiiskii Nakura (Kenya) ku dhexmaray isaga iyo kooxaha ka soo hoejeeda.

waxaana soo baxayay ka hor inta aan lagu dhawaaqin magcaabidda wasiiradda, tilmaamo muujinayay in aanay kooxa kasoo horjeeda maamulka Carta, ku qanacsanayn kordhinta wasiirada ee waxa ay doonayaan ay tahay in xubno dheeri ah loogu daro galaha barlamaanka, arrimahaasina waxa ay ina tusinayaan in khilaafku aanu ku harayn wasiiro la kordhiyo.

xeel-dherayssha u dhuundaloola arrimaha soomalia, ayaa tilamaamaya in soomalidu ay u baahantahay dib-u-heshiisiin gun dheer oo dhex marta dhammaan qaybaha bulshada soomaliyeed oodhan, iyaga oo ku tilmaamey talaabadii Jabuuti mid hore loo qaaday balse aan dhamaystirayn.

MAGACYADA WASIIRADA IYO WASAARADAHA CUSUB EE DKG GUJI

inkasta oo ay magac ahaan ugu jiraan maamulka xasan abshir dad u dhashay Gobolada P/land iyo Somaliland, haddana ma jiraan dad wata wakiilnimada bulshooyinka ku nool goboladaas, taas oo ah in ta badan caqabadaha hortaagan, iyda oo ku guuldarraystay in ay wax ka qabato nabadgelyada Muqdisho oo keliya.

Abdirashid Aaden Yusuf
Denver Co. USA
abdirashid001@yahoo.com

DOOD FURAN... Ra'yigaaga Toos u dhiibo

AFEEF: Aragtida qoraalkaan waa mid u gaara qoraaga ku saxiixan

Febraayo 17, 2002 | Boosaaso
SOMALITALK.COM | 2002

Kadhig SomaliTalk bogga u horeeya ee kusoo baxaya marka aad internetka gashid!, Guji Cinwaanka hoose